निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ/ पृथ्वीराजमार्ग अन्तर्गत तनहुँको म्याग्दे गाउँपालिका–६ शेराफाँटमा दुर्घटना भएको छ । आइतबार साँझ दमौलीबाट बेलचौतारातर्फ आउँदै गरेको ग १ ख ८२२८ र विपरित दिशाबाट गईरहेको ग १ ख ५९०२ नम्बरका ट्रक एक आपसमा ठोक्किएर दुर्घटना भएको हो ।
दुर्घटनामा पैदलयात्रु घाइते भएको ईलाका प्रहरी कार्यालय बेलचौताराका प्रहरी निरीक्षक जगदीश रेग्मीले जानकारी दिनुभयो । स्थानीय ६४ वर्षीय आशबहादुर परियार सामान्य घाइते भएको उहाँले बताउनुभयो । टाउको र निधारमा चोट लागेको उहाँको दुलेगौँडास्थित तनहुँ सेवा हस्पिटलमा उपचार भईरहेको छ ।
दुर्घटनापश्चात करिब आधा घण्टा पृथ्वीराजमार्ग अवरुद्ध भएको थियो । ईलाका प्रहरी कार्यालय बेलचौतारबाट गएको टोलीले अबरुद्ध सडक खुलाएको हो ।
