निष्पक्ष र विश्वसनीय खबरको सँगालो 
Khabar Punja
६ आश्विन २०८१, सोमबार
तनहुँ । तनहुँमा आइतबार दुई जनामा कोरोना सङ्क्रमण पुष्टि भएको छ । क्षयरोग उपचार केन्द्र पोखरामा गरिएको परीक्षण अनुसार म्याग्दे र ऑबुखैरेनी गाउँपालिकामा दुई जनामा कोरोना पुष्टि भएको हो ।
कोरोना पुष्टि हुने ऑबुखैरेनी गाउँपालिकाका कर्मचारी हुन् भने म्याग्दे गाउँपालिकाका होम क्वारेन्टिनमा बसेका व्यक्ति हुन् । म्याग्दे गाउँपालिका-५ का ३६ वर्षीय पुरुषमा कोरोना पुष्टि भएको गाउँपालिकाले जनाएको छ ।
आइतबार तनहुँ सहित स्याङ्जाका ८, लमजुङका ३, बागलुङका १ र कास्कीका ६ जनामा कोरोना पुष्टि भएको स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो ।
योसँगै गण्डकी प्रदेशमा कोरोना सङ्क्रमितको सङ्ख्या १५०५ पुगेको छ | यसैगरी गण्डकी प्रदेशमा कोरोनको संक्रमणबाट निको हुनेको संख्या १२४५ पुगेको छ ।
