निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ । तनहुँमा सोमबार दुई कोरोना सङ्क्रमित थपिएका छन् । क्षयरोग उपचार केन्द्र पोखरामा गरिएको परीक्षण अनुसार भानु नगरपालिका र बन्दीपुर गाउँपालिकामा एक/एक कोरोना सङ्क्रमित थपिएका हुन् ।
भानु नगरपालिकाका–१ का ३४ र बन्दीपुर गाउँपालिका–५ का ३४ वर्षीय पुरुषमा कोरोना पुष्टि भएको गण्डकी प्रदेश स्वास्थ्य निर्देशनालयले जनाएको छ । गत २४ घण्टामा तनहुँ जिल्लाबाट पठाइएका ५९ स्वाब परीक्षण गरिएको थियो । त्यसमध्ये ५७ जनाको रिपोर्ट नेगेटिभ आएको छ ।
सोमबार दुई जना थपिएसँगै तनहुँ जिल्लामा कोरोना सङ्क्रमितको सङ्ख्या १ सय ८६ पुगेको छ भने निको हुने सङ्ख्या १ सय ७६ रहेको स्वास्थ्य कार्यालय तनहुँले जनाएको छ ।
