निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
तनहुँ । पोखराको ग्यालेक्सी हस्पिटलमा मंगलबार मृत्यु भएकी तनहुँको बन्दीपुर गाउँपालिका–६ निवासी २९ वर्षीया युवतीको कोरोना रिपोर्ट नेगेटिभ आएको छ । श्वासप्रश्वासमा समस्या आएपछि तनहुँबाट पोखरा पुगेकी ती युवतीको हस्पिटल भर्ना भएको आधा घण्टामै मृत्यु भएको थियो ।
उनको मृत्युपछि स्वाब सङ्कलन गरी प्रदेश क्षयरोग उपचार केन्द्रमा गरिएको परीक्षण अनुसार रिपोर्ट नेगेटिभ आएको गण्डकी प्रदेश स्वास्थ्य निर्देशनालयले जाएको छ । मृतक युवतीको शव हस्पिटलमै छ । कोरोनासँग मिल्दोजुल्दो लक्षण देखिएकाले ती युवतीको कोरोना परीक्षण गरिएको थियो ।
ती युवती साउन २० गते बन्दीपुर अस्पतालमा उपचारका लागि भर्ना भएकी थिइन् । तर स्वास्थ्यमा थप समस्या भएपछि उनी साउन २४ मा भरतपुरको मनकामना अस्पतालमा उपचारका लागि पुगेकी थिइन् । साउन २९ मा मनकामना हस्पिटलबाट उनी डिस्चार्ज भएकी थिइन् । तर स्वास्थ्यमा पुनः समस्या देखिएपछि उनी मङ्गलबार बिहान डुम्रेस्थित मोती मेडिकल हलमा परीक्षणका लागि पुगेकी थिइन् ।
मेडिकलका सञ्चालक समेत रहेका बन्दीपुर गाउँपालिकाका अध्यक्ष पूर्णसिंह थापाले एम्बुलेन्सको व्यवस्था गरेर उनलाई पोखराको ग्यालेक्सी हस्पिटलमा रिफर गर्नुभएको थियो ।
