निष्पक्ष र विश्वसनीय खबरको सँगालो 
Khabar Punja
९ आश्विन २०८१, बिहीबार
लमजुङ: गण्डकी प्रदेशमा नेपाली सेनाका १७ सहित २३ कोरोना सङ्क्रमित थपिएका छन् । स्वास्थ्य निर्देशनालयले बुधबार सार्वजनिक गरेको विवरण अनुसार लमजुङमा नेपाली सेनाका १७ सहित नवलपुर र कास्कीमा गरी २३ जनामा सङ्क्रमण पुष्टि भएको हो ।
लमजुङको वेशीशहर नगरपालिकास्थित नेपाली सेनामा कार्यरत ३७, ३७,२७,२७,३१,३४,३९,३६,३८,३७,३७,३८,३८,३८,३८,३३,४० वर्षीय पुरुषमा सङ्क्रमण पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो ।
त्यस्तै वेशीशहर नगरपालिका वडा नं १ का ५१, वडा नं २ का ३२ र २५ वर्षीय पुरुषमा सङ्क्रमण पुष्टि भएको छ ।
त्यस्तै नवलपुरको गैडाकोट नगरपालिका वडा नं १ की ४० वर्षीया महिला, कास्कीको मादी गाउँपालिका वडा नं ७ का ३९ वर्षीय पुरुष र पोखरा महानगरपालिका वडा नं ११ का ४६ वर्षीय पुरुषमा सङ्क्रमण पुष्टि भएको छ।
योसँगै गण्डकी प्रदेशमा कोरोना संक्रमितको संख्या १९३६ पुगेको छ |
