निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
लमजुङ : लमजुङका थप तीन सेनामा कोरोना पुष्टि भएको छ । गण्डकी प्रदेश स्वास्थ्य निर्देशनालये बुधबार सार्वजनिक गरेको दोस्रो विवरण अनुसार वेशीशहर नगरपालिकाका ३९,३९,३८ वर्षीय पुरुषमा कोरोना सङ्क्रमण पुष्टि भएको हो ।
यसअघि बुधबार नै सार्वजनिक पहिलो विवरण अनुसार १७ नेपाली सेनामा कोरोना पुष्टि भएको थियो । योसँगै नेपाली सेनाका २० जनामा कोरोना सङ्क्रमण पुष्टि भएको छ ।
त्यस्तै नवलपुरको कावासोती नगरपालिका वडा नं ८ का ४७, वडा नं १६ का ३३,२८ वर्षीय पुरुष र वडा नं १४ का ४१ वर्षीया महिलामा कोरोना पुष्टि भएको छ । नवलपुरकै गैडाकोट नगरपालिका वडा नं १३ का ३०,३४ वर्षीय पुरुषमा कोरोना पुष्टि भएको छ ।
बुधबार मात्रै गण्डकी प्रदेशमा ३२ सङ्क्रमित थपिएका छन् । योसँगै गण्डकी प्रदेशमा कोरोना संक्रमितको संख्या १९४५ पुगेको छ |
