निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
तनहुँ : तनहुँको बन्दीपुर गाउँपालिकास्थित डुम्रे बजार दश दिन बन्द गरिने भएको छ । सोमबार डुम्रेमा बसेको व्यवसायीहरुको भेलाले बन्दीपुर गाउँपालिका–१ र ४ मा पर्ने डुम्रे बजारका सम्पूर्ण पसल व्यवसाय बन्द गर्ने निर्णय गरेको हो ।
कोरोना सङ्क्रमणको जोखिम दिनप्रतिदिन बढ्दै गएकाले भदौ २५ गतेसम्म सम्पूर्ण व्यवसाय बन्द गर्ने निर्णय भएको तनहुँ उद्योग वाणिज्य सङ्घ डुम्रे बजार इकाई सभापति नेक महम्मद मियाँले जानकारी दिनुभयो । उहाँका अनुसार यस अवधिमा बैङ्क तथा वित्तीय संस्था, कलकारखाना, पसल लगायत सम्पूर्ण बन्द रहनेछन् । सङ्घले गरेको निर्णयलाई गाउँपालिकाले सहयोग गर्नुपर्ने मियाँले बताउनुभयो ।
