निष्पक्ष र विश्वसनीय खबरको सँगालो 
Khabar Punja
६ जेष्ठ २०८१, आईतवार
पाेखरा : गण्डकी प्रदेशमा आइतबार बिहानै ६९ कोरोना सङ्क्रमित थपिएका छन् । प्रदेशका ६ जिल्लामा ६९ जनालाई कोरोना सङ्क्रमण पुष्टि भएको स्वास्थ्य निर्देशनालयले जनाएको छ ।
स्वास्थ्य निर्देशक डा. विनोदविन्दु शर्माका अनुसार कास्कीमा २०, लमजुङमा दुई, बागलुङमा तीन, स्याङ्जामा २२, तनहुँमा सात, नवलपुरमा १३ र गोरखामा दुई सङ्क्रमित थपिएका छन् ।
पोखरा महानगरपालिकाका दुई महिला पार्कल्याण्ड अस्पतालमा कार्यरत स्वास्थ्यकर्मी हुनुहुन्छ । वेशीशहरका दुई जना रिलायन्स फाईनान्समा कार्यरत कर्मचारी हुनुहन्छ भने अन्य सबै व्यक्तिहरु कन्ट्याक्ट ट्रेसिङबाट पहिचान हुनुभएको हो ।
कास्कीको पोखरा महानगरपालिका, लमजुङको वेशीशहर नगरपालिका, बागलुङको काठेखोला गाउँपालिका, स्याङ्जाको पुतलीबजार नगरपालिका, तनहुँको बन्दीपुर गाउँपालिका, भानु नगरपालिका, व्यास नगरपालिका, शुक्लागण्डकी नगरपालिका, नवलपुरको मध्यविन्दु नगरपालिका, कावासोती नगरपालिका, बुलिङटार गाउँपालिका र गोरखाको आरुघाट गाउँपालिका र पालुङटार नगरपालिकामा सङ्क्रमित थपिएका छन् ।
योसँगै गण्डकी प्रदेशमा कोरोना सङ्क्रमितको सङ्ख्या २ हजार ५ सय १६ पुगेको छ ।
