निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
एजेन्सी : यूईएफए नेसन्स लिग अन्तर्गत समूह चरणको दोस्रो खेलमा जर्मनीले बराबरी खेलेको छ । आइतबार राति भएको खेलमा जर्मनीले स्विट्जरल्यान्डसँग १–१ गोलको बराबरी खेलेको हो ।
जर्मनीले खेलमा लिएको सुरुआती अग्रता जोगाउन नसक्दा बराबरीमा चित्त बुझाउनु परेको हो । आइके गुन्डोगनले खेलको १४ औँ मिनेटमा गोल गर्दै जर्मनीलाई अग्रता दिलाएका थिए ।
जर्मनीले आफ्नो अग्रता अन्तिमसम्म टिकाउन सकेन । स्विट्जरल्यान्डका लागि सिल्भान विडमेरले ५७ औँ मिनेटमा बराबरी गोल फर्काए । खेलमा स्पेनभन्दा स्विट्जरल्यान्ड बलियो देखिए पनि गोल भने गर्न सकेको थिएन ।
बराबरीसँगै जर्मनीले दुई खेलबाट २ अंक जोड्दै समूह डीको तेस्रो स्थानमा आफूलाई कायम गरेको छ । स्विट्जरल्यान्ड भने १ अंकसहित तालिकाको चौथो स्थानमा छ ।
आइतबार राति नै भएको अर्काे खेलमा टर्किस र सर्वियाले गोलरहित बराबरी खेल्दै अंक बाडेका छन् ।
