तनहुँ : भू तथा जलाधार व्यवस्थापन कार्यालय तनहुँले निजामती दिवसको अवसरमा पहिलो सेवाग्राहीलाई स्वागतसँगै ग्यावीन जाली उपलब्ध गराएको छ । कार्यालयमा आएका म्याग्दे गाउँपालिका-२ का लोकबहादुर सुनारलाई कार्यालयले फूलमालाले स्वागत गर्नुका साथै घर जोखिममा परेकाले ग्यावीन जाली उपलब्ध गराएको हो ।

केही समय अगाडीको पहिरोले सुनारको घर जोखिममा परेको छ । पहिरो उपचारका लागि ग्यावीन जाली उपलब्ध गराइएको कार्यालय प्रमुख दिवाकर पौडेलले जानकारी दिनुभयो ।

निजामती दिवसको अवसरमा कर्मचारीले सरसफाई समेत गरेका थिए ।