निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
पाेखरा : कान्तिपुर टिभीका संवाददाता इन्द्र पाैडेल सहारा खेलकुद पत्रकारिता पुरस्कारबाट सम्मानित हुनुभएकाे छ । सहारा क्लवले २२ औ वार्षिकाेत्सवका अवसरमा पाैडेललाई उक्त पुरस्करबाट पुरस्कृत गरेकाे हाे ।
उक्त पुरस्कारकाे राशी नगद रु २० हजार रहेकाे छ । मङ्गलबार पाेखरामा आयाेजित कार्यक्रममा गण्डकी प्रदेशका आर्थिक मामिला तथा याेजनामन्त्री किरण गुरुङले पत्रकार पाैडेललाई उक्त पुरस्कार प्रदान गर्नुभयाे ।
कार्यक्रममा मन्त्री गुरुङले सहारा क्लब पोखरा खेलकुदको पर्याय शब्द रहेको बताउनुभयाे । प्रदेश सरकार खेल क्षेत्रकाे विकासका लागि प्रतिबद्ध रहेकाे उहाँले बताउनुभयाे ।
कार्यक्रममा सम्मानित पत्रकार इन्द्र पौडेल, क्ल्बका अध्यक्ष केशव बहादुर थापा लगायतले आफ्नो भनाइ राख्नुभएकाे थियाे । क्लबका सल्लाहकार एवं अग्रज पत्रकार नारायण कार्कीको संयोजकत्वमा गठित सात सदस्यीय प्रतिभा छनोट समितिले पौडेललाई छनोट गरेको हो । क्लबले प्रत्येक वर्ष पत्रकारिताको माध्यमबाट खेलकूदको विकासमा योगदान पु¥याउने र विशेषगरी खेलकूद बिटलाई प्राथमिकता दिएर समाचार सम्प्रेषण गर्ने पत्रकारलाई पुरस्कार प्रदान गर्दै आएको छ ।
