निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
तनहुँ : सरकारको निर्णय बमोजिम बिहीबारदेखि सार्वजनिक यातायात सञ्चालनमा आएको छ । कोभिड-१९ का कारण विगत ६ महिनादेखि बन्द रहेका सार्वजनिक यातायातका साधन आजदेखि सञ्चालनमा आएको हो ।
जिल्ला प्रशासन कार्यालय तनहुँले यातायात सञ्चालन गर्दा भौतिक दूरी कायम हुने गरी एक पङ्क्तिको सिटमा एक जना मात्र यात्रु राख्न आग्रह गरेको छ । बिहीबार प्रेस विज्ञप्ती मार्फत् कार्यालयले सिटमा बाहेक यात्रु नराख्न सचेत गराएको छ ।
सहायक प्रमुख जिल्ला अधिकारी चित्राङ्गत बरालले यात्रा गर्ने सबैलाई मास्क अनिवार्य गरिएको जानकारी दिनुभयो । यात्र चढ्ने सवारीको ढोकामा र सवारी साधनभित्र स्यानीटाइजर अनिवार्य गर्न, चालक तथा सहचालकलाई मास्क, पन्जा लगाउन अनिवार्य गरिएको छ ।
यो व्यवस्था लागु रहँदासम्म सार्वजनिक सवारी साधनले तोकिएको भाडादरमा ५० प्रतिशत थप भाडा लिन पाउनेछन् । असोज १ देखि स्वास्थ्य तथा जनसङ्ख्या मन्त्रालयले निर्धारण गरेको स्वास्थ्य मापदण्ड पालना गरी होटल, रेष्टुरेन्ट, ट्रेकिङ तथा ट्राभल्स व्यवसाय सञ्चालन गर्न पाईने भएको छ ।
