निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
एजेन्सी : फरवार्ड लुइस सुआरेजले स्पेनिस क्लब बार्सिलोना छाड्ने पक्का भएको छ । यही समरमा क्लब छाड्नेबारे सुआरेज र बार्सिलोनाबीच सहमति भएको स्पेनिस अनलाइन मार्काले जनाएको छ ।
क्याटलान क्लबसंग अझै एक वर्ष सम्झौता बाँकी रहेपनि नयाँ प्रशिक्षक रोनाल्ड कोएमनको योजनामा ठाउँ नपाएपछि सुआरेजले क्लब छाड्न लागेका हुन् । आरएसी वानका अनुसार सुआरेज अब फ्री एजेन्टका रुपमा उपलब्ध हुनेछन् र नयाँ प्रस्ताव पर्खिरहेका छन् ।
केही समयअघि सुआरेज इटालियन क्लब युभेन्ट्स जाने चर्चा चलेको थियो । केही दिनपछि सुआरेजको बहिर्गमनको आधिकारिक घोषणा गरिने सम्भावना रहेको छ ।
सन् २०१४ मा प्रिमियर लिग क्लब लिभरपुलबाट क्याम्प नोउ पुगेका सुआरेजले बार्सिलोनाका लागि १९८ गोल गरेका थिए । उनले ६ वर्षमा २०१५ को ट्रेबलसहित कूल १३ ट्रफी जिते । यस्तै सन् २०१६ मा ४० गोल गर्दै युरोपियन गोल्डेन बुटसमेत जितेका थिए ।
बार्सिलोनाका लागि सर्वाधिक गोल गर्नेमा सुआरेज तेस्रो स्थानमा छन् । उनीअघि रहेका लिओनल मेसीले ६३४ र सेजारले २३२ गोल गरेका छन् ।
