निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
तनहुँ : तनहुँमा पुनः दुई कोरोना सङ्क्रमित थपिएका छन् । मङ्गलबार बिहान मात्रै व्यास नगरपालिकामा दुई जना कोरोना सङ्क्रमित थपिएकामा व्यास र देवघाटमा फेरि दुई जनामा सङ्क्रमण पुष्टि भएको छ ।
स्वास्थ्य निर्देशनालयले दिउँसो १२ः१५ बजे सार्वजनिक गरेको विवरण अनुसार व्यास नगरपालिका–१ की ३० वर्षीया महिला र देवघाट गाउँपालिका–५ का ३८ वर्षीया महिलामा कोरोना सङ्क्रमण पुष्टि भएको छ । व्यासकी महिला पोखरा स्वास्थ्य विज्ञान प्रतिष्ठान पोखराको फिभर क्लिनिकबाट पहिचान हुनुभएको हो ।
त्यस्तै कास्कीमा ६, स्याङ्जामा एक, नवलपुरमा ११ र गोरखामा एक जना सङ्क्रमित थपिएका छन् । योसँगै गण्डकी प्रदेशमा कोरोना सङ्क्रमितको सङ्ख्या ४ हजार २ सय ६४ पुगेको स्वास्थ्य निर्देशक डा. विनोदविन्दु शर्माले जानकारी दिनुभयो ।
