निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
तनहुँ : तनहुँको व्यास नगरपालिका–४ मा आज बिहान खुकुरी प्रहारबाट एक जना घाइते भएका छन् । घाइते हुनेमा सोही ठाउँ बस्ने ४१ वर्षीय शम्सेर खान रहेको जिल्ला प्रहरी कार्यालय तनहुँले जनाएको छ ।
खुकुरी प्रहार गर्ने ऋषिङ गाउँपालिका–३८ वर्षीय दिपकबहादुर परियार फरार रहेको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । खुकरी प्रहारबाट घाइते खानको टाउकोमा चोट लागेको र अवस्था सामान्य रहेको तिमिल्सिनाले बताउनुभयो ।
“आर्थिक लेनदेनका विषयमा विवाद हुँदा खुकुरी प्रहार गरेको प्रारम्भिक अनुसन्धानबाट खुलेको छ,” उहाँले भन्नुभयो, “थप अनुसन्धान हुँदैछ, फरार व्यक्तिको खोजी भइरहेको छ ।” परियारको मोटरसाइकल भने प्रहरी नियन्त्रणमा छ ।
