निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : तनहुँको म्याग्दे गाउँपालिकाले फेरि चार दिन अत्यावश्क बाहेकका सबै सेवा बन्द गर्ने भएको छ । तीन दिन बन्द भएपछि गाउँपालिका र वडा कार्यलयको सेवा आइतबारदेखि सुचारु भएको थियो ।
सोमबार प्रमुख प्रशासकीय अधिकृत नारायणप्रसाद अधिकारीले विज्ञप्ती जारी गर्दै गाउँपालिकाले मंगलबारदेखि शुक्रबारसम्म गाउँपालिकाको कार्यालय, वडा कार्यालय र गाउँपालिका क्षेत्रमा सञ्चालित संस्थागत र सामुदायिक विद्यालय र सेवा प्रदायक संस्थाबाट प्रवाहा हुने अत्यावश्यक बाहेकका सबै सेवा पूर्ण रुपमा बन्द गर्ने निर्णय गरेको बताउनुभयो ।
आगामी आइतबारदेखि बन्द भएका सबै क्षेत्र र सेवा खुल्नेछन् ।
गाउँपालिकाकामा कार्यरत कर्मचारी कोरोना पुष्टि भएपछि कन्ट्याक ट्रेसिङ गर्न सेवा बन्द गरिएको अधिकारीले बताउनुभयो । सोमबार गाउँपालिकामा कार्यरत दुई जना कर्मचारीलाई कोरोना पुष्टि भएको छ । म्याग्देमा गाउँपालिका उपाध्यक्षसहित ४ जना कर्मचारीलाई कोरोना पुष्टि भएको स्वास्थ्य शाखाले जनाएको छ । उपाध्यक्षको त्रिवि शिक्षण हस्पिटल काठमाडौँमा उपचार भईरहेको छ ।
