निष्पक्ष र विश्वसनीय खबरको सँगालो 
Khabar Punja
२४ माघ २०८१, शुक्रबार
तनहुँ : म्याग्दे गाउँपालिकामा लैङ्गिक हिंसा विरुद्धको १६ दिने अभियान अन्तर्गत बुधबार सरोकारवाला निकायसँग अन्तरक्रिया कार्यक्रम सम्पन्न भएको छ । लैङ्गिक हिंसा अन्त्यको प्रतिबद्धता व्यक्ति, समाज र सबैको एक्यवद्धता भन्ने मूल नाराका साथ सञ्चालन भएको अन्तरक्रिया कार्यक्रम गाउँपालिका अध्यक्ष मायादेवी रानाले लैङ्गिक हिंसा विरुद्धको सचेतना जगाउन विविध कार्यक्रम आयोजना गरिने बताउनुभयो ।
गाउँपालिकाका प्रमुख प्रशासकीय अधिकृत नारायणप्रसाद अधिकारीका अनुसार शुक्रबार लैङ्गिक हिंसा सम्बन्धि प्रशिक्षण, स्वास्थ्य केन्द्रमा कार्यरत स्वास्थ्यकर्मीलाई सम्मान, गाउँपालिकाका स्वास्थ्य केन्द्रबाट सुत्केतरी भएका महिलाहरुलाई सुविधा प्रदान गरिनेछ ।
त्यस्तै गाउँपालिका अन्तर्गत नौ माध्यमिक विद्यालयबाट एक एक जना छात्रालाई सहभागी गराई लैङ्गिक हिंसा न्यूनिकरणमा विद्यार्थीको भूमिका विषयमा वक्तृत्वकला प्रतियोगिता गरिने अधिकारीले जानकारी दिनुभयो ।
