Khabar Punja

तनहुँ : नवलपुरको गैडाकोट नगरपालिका–३ ढोडेनीस्थित जुना प्राथमिक विद्यालयका विद्यार्थीलाई पोशाक र छाता वितरण गरिएको छ । छङ्गेली नेवाः खल दमौलीका अध्यक्ष सुकनारायण मल्लको सहयोगमा विद्यालयमा अध्ययनरत विद्यार्थीलाई बिहीबार जुत्ता, चप्पल, छाता र मोजा वितरण गरिएको हो ।

विद्यालयमा अध्ययनरत ५५ जना विद्यार्थीलाई नेपाल आदिवासी जनजाति महासङ्घ तनहुँका अध्यक्ष बसुन्धरा घर्ती र तनहुँ नेवा खलका अध्यक्ष क्या. तारा मल्लले उक्त सामग्री प्रदान गर्नुभएको छ । आर्थिक रुपमा विपन्न विद्यार्थीलाई उक्त सहयाेग गरिएकाे हाे ।