निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : तनहुँको म्याग्दे गाउँपालिकाले माध्यमिक विद्यालयस्तरीय छात्रा फुटबल प्रतियोगिता आयोजना गर्ने भएको छ। गाउँपालिकाका अध्यक्ष मायादेवी रानाको अघ्यक्षतामा सोमबार सम्पन्न बैठकले नारी दिवसको अवसरमा छात्रा फुटबल प्रतियोगिता आयोजना गर्ने निर्णय गरेको हो ।
फागुन २२ र २३ गते राधा माध्यमिक विद्यालयको खेलमैदानमा फुटबल आयोजना गर्ने निर्णय भएको गाउँपालिकाका उद्योग शाखा प्रमुख प्रदीप न्यौपानेले जानकारी दिनुभयो । प्रतियोगितामा ६ सामुदायिक र तीन निजी विद्यालयका छात्रा सहभागी हुनेछन् ।
प्रतियोगितामा प्रथम, द्वितीय र तृतीयलाई क्रमश: रु दश हजार, रु आठ हजार, रु पॉच हजार र ट्रफी प्रदान गरिनेछ ।
यस्तै फागुन २४ गते गाउँपालिकाका सात वटै वडाका एकल महिलालाई सम्मान गर्ने निर्णय भएको छ । एकल महिलालाई रातो टिका र रातो सल ओढाएर सम्मान गरिने गाउँपालिकाले जनाएको छ ।
बैठकमा प्रमुख प्रशासकीय अधिकृत, विभिन्न सङ्घसंस्था, सहकारी संस्था, राजनीतिक दलका प्रमुख एव प्रतिनिधिको सहभागिता थियो ।
