निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
तनहुँ : तनहुँको शुक्लागण्डकी नगरपालिका–११ थामडाँडामा आइतबारदेखि भलिबल प्रतियोगिता शुरु भएको छ । थामडाँडा युवा क्लवको आयोजनामा शुरु प्रतियोगिताको उद्घाटन खेलमा मान्द्रेस्थित दिपेन्द्र स्मृति युवा क्लव विजयी भएको छ ।
आयोजक टिमलाई सोझो सेटमा पराजित गर्दै दिपेन्द्र स्मृतिले विजयी शुरुवात गरेको हो । प्रतियोगिताको दोस्रो दिन सोमबार दश वटा खेल हुने आयोजक क्लवका अध्यक्ष लेखबहादुर रानाले जानकारी दिनुभयो । प्रतियोगितामा २२ टिमको सहभागिता छ ।
प्रतियोगितामा प्रथम, द्वितीय र तृतीयलाई क्रमशः रु ४० हजार, २५ हजार र दश हजार नगद सहित ट्रफी प्रदान गरिनेछ ।
प्रतियोगिताका वडा सदस्य थमन आलेले उद्घाटन गर्नुभयो । कार्यक्रममा संस्थाका वरिष्ठ सल्लाहकार अमृत थापाले पनि मन्तव्य राख्नुभएको थियो ।
