निष्पक्ष र विश्वसनीय खबरको सँगालो 
Khabar Punja
८ जेष्ठ २०८१, मंगलवार
दुलेगौँडा : आदर्श नमूना क्लबको आयोजनामा जारी नवौ आदर्श तथा चौथो तारा स्मृति कप फुटलबमा मंगलबार सात खेल सम्पन्न भएको छ । प्रतियोगिता सोमबारदेखि शरु भएको हो ।
तनहुँको म्याग्दे गाउँपालिका–४ मनहरीस्थित आदर्शको खेल मैदानमा मंगलबार भएको पहिलो खेलमा फ्रेण्डसिप युथ क्लब बेलचौतारा विजयी भएको छ । फ्रेण्डसिपले शान्ति दिप पोखरालाई ४–० गोल अन्तरले पराजित गर्दै दोस्रो चरणमा प्रवेश गरेको हो ।
दोस्रो खेलमा आयोजक आदर्श नमुना क्लब ‘सि’ ले दिर्बु युवा क्लब दिर्बुलाई १–० को गोल अन्तरले हरायो । तेस्रो खेलामा फ्रेण्डसिप युवा क्लब गुणादीलाई ट्राईबेकरमा ३–२ को हार चखाउदै जनसेवा युवा क्लब गणपते विजयी भएको आयोजकले जनाएको छ ।
चौथो खेलमा पाथर्दी होमस्टे फुटबल क्लब भानुमतीलाई सम्बृद्धी युवा क्बल तिलाटारले १–० गोल अन्तरमा पराजित गर्न सफल भएको छ । थर्पु युवा क्लब ‘बि’ र मणि युवा क्लब छिम्लिस्वारा बिच भएको पाँचौ खेलमा थुर्प ‘बि’ १–० ले विजयी भयो ।
छैठौँ खेलमा मालेबगर भिमाद अनुपस्थित भएपछि इगल फुटबल क्लब दुलेगौँडा स्वत दोस्रो चरण प्रवेश गरेको छ । खैरेनी युथ क्बल खेरैनीटारलाई ट्राईबेकरमा २–१ को गोल अन्तरले हराउदै मेट्रोनम दमौली सातौ खेलमा विजयी भयो ।
मंगलबारको अन्तिम खेलमा भिवाईसी दमौलीले ट्राईबेकरमा बागबजार दमौलीलाई ३–२ गोल अन्तरले पराजित गर्न सफल भएको छ । सोमबार दुई खेल भएका थिए । न्यु स्टार क्लब दमौली र नवदिप बैरेनी विजयी भएका थिए । । बुधबार पहिलो चरणकै ८ खेल हुनेछन् ।
३२ टिमको सहभागिता रहेको प्रतियोगिता फागुन २९ गतेसम्म चल्नेछ । विजेताले नगद एक लाख एक रुपैयाँ र उपविजेताले नगद ५० हजार एक रुपैयाँ प्राप्त गर्ने क्लवका अध्यक्ष गाैरवराज रानाले जानकारी दिनुभयाे ।
