निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
लमजुङ : चट्याङ लागेर लमजुङमा मङ्गलबार एक किशोरको मृत्यु भएको छ । मृत्यु हुनेमा लमजुङको क्वहोलासोथार गाउँपालिका–४ भुजुङ बस्ने १८ वर्षीय विनोद विक रहेको प्रहरीले जनाएको छ ।
क्वहोलासोथार गाउँपालिका–४ स्थित त्रिभुवन विद्याआश्रम माध्यमिक विद्यालयमा अचानक परेको चट्याङबाट घाइते विकका उपचारका लागि हेलिकप्टरबाट पोखरा लैजाँदै गर्दा मृत्यु भएको गण्डकी प्रदेश प्रहरी कार्यालय पोखराले जनाएको छ ।
चट्याङ लागेर सोही विद्यालयमा अध्ययनरत नौ जना विद्यार्थी र दुई जना शिक्षिका घाइते भएका थिए । घाइतेमध्ये छविन्द्र गुरुङको मणिपाल शिक्षण अस्पतालमा उपचार भइहेको छ ।
