निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : तनहुँको म्याग्दे गाउँपालिकामा आधारभूत व्युटिसियन तालिम शुक्रबारदेखि शुरु भएको छ । गरिबी निवारणका लागि लघु उद्यम विकास कार्यक्रम अन्तर्गत गाउँपालिकाले म्याग्दे गाउँपालिका–४ मा आधारभूत व्युटिसियन तालिम शुरु गरेको हो ।
तालिमको उद्घाटन गर्दै गाउँपालिकाका अध्यक्ष मायादेवी रानाले तालिम लिएर उद्यमी बन्न महिलाहरुलाई आग्रह गर्नुभयो । महिलाहरुलाई सीप प्रदान गरी स्वरोजगार बनाउने उद्देश्यले तालिमको आयोजना गरिएको गाउँपालिकाका प्रमुख प्रशासकीय अधिकृत नारायणप्रसाद अधिकारीले जानकारी दिनुभयो ।
एक महिनासम्म सञ्चालन हुने तालिममा २० जना महिलाको सहभागिता रहेको गाउँपालिकाका उद्योग शाखा प्रमुख प्रदीप न्यौपानेले जानकारी दिनुभयो । तालिममा दमौलीस्थित आवेदा व्युटीपार्लरकी सञ्चालिका रफत साना मियाँले प्रशिक्षण दिनुहुनेछ ।
