निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
काठमाडौं : नेकपा एमालेले वरिष्ठ नेता माधवकुमार नेपाल र उपाध्यक्ष भीम रावललाई कारबाही गरेको छ । उहॉहरु दुवैलाई ६ महिनाका लागि पार्टी सदस्यबाट निलम्वन गरिएको छ । पार्टी हितविपरीत गतिविधि गरेको भन्दै दुवै नेतालाई कारबाही गरिएको पत्र अध्यक्ष केपी शर्मा ओलीले पठाउनुभएको छ ।
कारबाहीको सूचना पाएपछि नेपाल र रावलले प्रचण्डसँग भेट गर्नुभएको थियो ।अदालतबाट एमाले पुनःस्थापनापछि पेरिसडाँडामा बैठक बसेर केपी ओलीविरुद्ध संघर्ष गर्ने भन्दै फर्केका नेता नेपालले विभिन्न ठाउँमा पार्टीका नाममा भेला र बैठक गरेको तथा समानान्तर कमिटीहरु गठन गरी पार्टी फुटाउन खोजेको आरोप लागेको थियो ।
यसबीचमा एमाले भइसकेपछि पनि पार्टी हितविपरीत गतिविधि गरेको भन्दै एमालेले नेपाल र रावलसहित घनश्याम भुसाल र सुरेन्द्र पाण्डेसँग स्पष्टिकरण सोधेको थियो ।
