निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : तनहुँको म्याग्दे गाउँपालिका–२ का अपाङ्गता भएका व्यक्तिहरुलाई सोमबार सम्मान गरिएको छ । वडा कार्यालयले ५३ जना अपाङ्गता भएका व्यक्तिहरुलाई सम्मान गरेको हो ।
सो अवसरमा गाउँपालिकाका अध्यक्ष मायादेवी रानाले अपाङ्गता भएका व्यक्तिहरुलाई जनही रु एक हजार ६ सय नगद प्रदान गर्नुभएको थियो । रानाले अपाङ्गता भएका व्यक्तिहरुलाई आत्मनिर्भर बनाउन सीपमूलक तालिम सञ्चालन गरिने बताउनुभयो ।
गाउँपालिकाका उपाध्यक्ष बालकृष्ण घिमिरेले अपाङ्गता भएकाहरुको हितमा गाउँपालिका प्रतिबद्ध रहेको बताउनुभयो । अपाङ्गता भएका सुशान सुनारले सम्मान गरेकामा गाउँपालिकालाई धन्यवाद ज्ञापन गर्नुभयो । अर्का अपाङ्गता किरण श्रेष्ठले सीपमूलक कार्यक्रम ल्याउन आग्रह गर्नुभयो ।
