Khabar Punja

दुलेगौँडा : चैते दशैँको अवसरमा प्रकृति युवा क्लब ढोर लामागाउँले आयोजना गरेको भलिबल प्रतियोगितामा पुरुषतर्फको उपाधि ठकुरी समाज भलिबल क्लब बावियाडाँडाले जितेको छ । मङ्गगलबार भएको फाईनल खेलमा छब्दी युवा क्लबलाई २–० को सोझो सेटमा हराउदै ठकुरी समाजले उपाधि जितेको हो । छब्दीलाई ठकुरी समाजले २५–२३, २५–१७ को स्कोरमा पराजित गरेको हो ।

आयोजक प्रकृति युवा क्लब सिधै बाई पाएर दोस्रो स्थान हासिल गर्न सफल भयो । फाईनलमा हारेको छब्दीले तेस्रो स्थान प्राप्त ग¥यो । विजेता, दोस्रो र तेस्रोले क्रमश नगद ३५ हजार, २५ हजार र १२ हजार रुपैयाँको साथमा शिल्ड, मेडल र प्रमाणपत्र पाए ।

यस्तै महिलातर्फको उपाधि एचटि युनाईटेड क्लब घारीपाटन पोखराले जितेकोे छ । फाईनल खेलमा अस्पाक्दी भिमादलाई २५–७, २५–८ को सोझो सेटमा हराउदै उपाधि उचालेको हो ।

उपाधिसंगै एचटि युनाईटेडले नगद १३ हजार रुपैयाँको साथमा शिल्ड, मेडल र प्रमाणपत्र पाएको छ । उपविजेता अस्पाक्दीले ९ हजार रुपैयाँ, शिल्ड, मेडल र प्रमाणपत्रमा चित्त बुझायो ।

विजेता खेलाडीलाई शुक्लागण्डकी–१२ का अध्यक्ष मनराज गुरुङले पुरस्कार वितरण गर्नुभयो । विगत सात बर्षदेखि लामागाउँमा प्रकृती युवा क्लबले चैते दशैँको अवसरमा महिला तथा पुरुष भलिबल प्रतियोगिता गर्दै आइरहेको छ ।