निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
तनहुँ : व्यास नगर व्याडमिन्टन क्लवले जिल्ला खेलकुद विकास समितिका नवनियुक्त पदाधिकारी तथा सदस्यहरुलाई सम्मान एवं बधाई ज्ञापन गरेको छ । आइतबार व्यास नगरपालिका–३ स्थित कभर्डहलमा एक कार्यक्रमको आयोजना गरी क्लवले खेलकुद विकास समितिका नवनियुक्त अध्यक्ष अनिल पाण्डे सहितका पदाधिकारीलाई सम्मान एवं बधाई ज्ञापन गरेको हो ।
उक्त कार्यक्रममा खेलकुद विकास समितिका नवनियुक्त उपाध्यक्ष पदम खाँण, सचिव तुल्सीराम पाण्डे लगायत सदस्यहरु उपस्थित हुनुहुन्थ्यो ।
क्लवका अध्यक्ष कुमार गुरुङको अध्यक्षतामा सम्पन्न कार्यक्रममा प्रमुख जिल्ला अधिकारी सागर आचार्य, खेलकुद विकास समितिका प्रमुख शिवहरि पण्डित, व्याडमिन्टन क्लवका उपाध्यक्ष कुलबहादुर थापा, सचिव कृष्णराज घिमिरे लगायतले नवनियुक्त पदाधिकारीहरुलाई बधाई ज्ञापन गर्दै खेलकुदको क्षेत्रमा उदाहरणीय काम गर्न सुझाव दिनुभयो ।
