निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
पाेखरा : गण्डकी प्रदेशमा सत्तापक्षले नै संसद् अवरुद्ध गरेको छ । सांसदहरुको कोरोना परीक्षण नै नगरी बैठक डाकिएको भन्दै सत्तापक्षका सांसदले संसद् अवरुद्ध गरेका हुन् । मुख्यमन्त्री पृथ्वीसुब्बा गुरुङविरुद्ध बैशाख २ गते दर्ता भएको अविश्वास प्रस्तावमाथि छलफल भइरहेको छ । सोमबार उक्त प्रस्ताव टेबुल भएको भएको थियो ।
सांसदहरुको पीसीआर परीक्षण नगरिएको, धेरै सांसदले खोपको दोस्रो डोज पनि नलगाएको र जिल्ला प्रकाशन कार्यालय कास्कीले विषेधाज्ञासमेत जारी रहेको अवस्थामा संसद बैठक चल्न नदिने सत्तापक्षका सांसद राजीव पहारीले बताउनुभयाे ।
विशेष अधिवेशनको दोस्रो दिनको बैठकको सुरुमै सत्तारुढ दलका सांसदले उठेर विरोध गरेका थिए । सभामुख नेत्रनाथ अधिकारीले सरकारका प्रवक्ता र मन्त्रीसहित सर्वदलीय बैठकले कार्यसूची तयार पारिएकाले बस्न आग्रह गरे । एमालेका सांसदले फेरि मानेनन् ।
सभामुख अधिकारीले सत्तापक्षकै सांसदले संसद अवरुद्ध गर्नु राम्रो नहुने भन्दै बस्न आग्रह गरेपछि पनि एमालेका सांसदले विरोध जनाइरहे । सभामुखले १८ मिनेटका लागि संसद बैठक स्थगित गरेका छन् ।
