निष्पक्ष र विश्वसनीय खबरको सँगालो 
Khabar Punja
३० मंसिर २०८२, मंगलवार
काठमाडौ: नेकपा एमालेको विवाद मिलाउन सिंहदरबारमा करिब ३ घण्टादेखि जारी वार्ता सकिएको छ। एमाले नेता भीमबहादुर रावलका अनुसार आजको बैठकले पार्टीलाई २०७५ जेठ २ आसपास लगेर सहमति खोज्ने निचोड निकालेको छ।
नेता रावलका अनुसार त्यसका लागि कार्यदल निर्माणको सहमति भएको छ। ‘आजको बैठकले २०७५ जेठ २ लाई आधारमा मानेर अरु प्रयोजनमा छलफल हुने गरी सहमति जुटाएको छ’, रावलले भन्नुभयो, ‘त्यसका लागि कार्यदल बनाउने टुंगो लागेको छ। कार्यदलका सदस्यहरुको नाम माधव नेपाल र केपी ओली तय गर्नुहुनेछ।’
नेता रावलले त्यही सहमति अनुसार फेरि भोलि या पर्सि वार्तामा बस्ने गरि आज नेताहरु उठेको जानकारी दिनुभयो । ‘फेरि तत्कालै बस्ने गरी आज हामी उठेका छौँ’, उहॉले भन्नुभयो, ‘वार्ता पनि अघि बढ्छ, अध्यक्ष र वरिष्ठ नेताले कार्यदलका सदस्य तय गरेपछि विवादको निरुपणका उपायको पनि खोजी हुँदै जान्छ।’ (फरकधारबाट)
