निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमाैली : नेपाल पत्रकार महासङ्घ तनहुँ शाखाले स्थापना गरेको कल्याणकारी कोषमा महासङ्घका पूर्व केन्द्रीय सदस्य प्रदीप न्यौपानेले सहयोग गर्नुभएको छ । व्यास नगरपालिका–१ निवासी न्यौपानेले कल्याणकारी कोषका लागि रु दुई हजार पाँच सय ११ सहयोग गर्नुभएको हो ।
न्यौपानेले उक्त रकम सोमबार शाखाका अध्यक्ष उज्वल पौडेललाई हस्तान्तरण गर्नुभयो । लामो समय पत्रकारिता क्षेत्रमा क्रियाशील न्यौपानेले पत्रकारका पीडा आफूले बुझेका कारण कल्याणकारी कोषमा थोरै भएपनि सहयोग गरेको बताउनुभयो ।
सञ्चार क्षेत्र र सञ्चारकर्मीको हितमा खर्च हुने कल्याणकारी कोष स्थापना गर्नु राम्रो काम भएको न्यौपानले बताउनु भयो । कोषमा रकम प्रदान गरेकामा शाखा अध्यक्ष पौडेलले धन्यवाद व्यक्त गर्नुभयो ।
शाखाको जेठ १ गते बसेको बैठकले पत्रकार कल्याणकारी कोष स्थापना गर्ने निर्णय गरेको थियो । सोही बमोजिम कोषमा सहयोग गर्न सबैलाई अपिल गरिएको शाखाका उपाध्यक्ष डिपी अधिकारीले जानकारी दिनुभयो ।
