निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
एजेन्सी: इंग्लिस क्लब म्यान्चेस्टर सिटीका सर्वाधिक सफलमध्येका एक खेलाडी एवम् अर्जेन्टिनी फरवार्ड सर्जियो अगुएरो स्पेनिस क्लब बार्सिलोना जाने लगभग पक्का भएको छ ।
बार्सिलोनाले फ्रि ट्रान्सफरमा ३२ वर्षीय अगुइरोलाई अनुबन्ध गर्न नजिक पुगेको खेल विज्ञ फाब्रिजियो रोमानोले जनाएका छन् ।
सिटीका लागि सर्वाधिक गोलकर्ता रहेका अगुएरोको यस सिजनपश्चात् क्लबसँग सम्झौता सकिँदै छ र उनले केही महिनाअघि नै सम्झौता नलम्ब्याउने संकेत गरिसकेका थिए ।
बार्सिलोना आउन उनले आफ्नो पारिश्रमिक पनि निकै कम गरेको बताइएको छ । अगुएरोले बार्सिलोनासँग २ वर्षको सम्झौता गरेको जनाइएको छ । अब राष्ट्रिय टोलीका दुई उत्कृष्ट फरवार्ड क्लब फुटबलमा पनि सँगै देखिने भएका छन् ।
अगुएरो लालिगामा खेल्न लागेको यो दोस्रोपटक हो । यसअघि सन् २०११ मा सिटी आउनुपूर्व पाँच वर्ष एट्लेटिको मड्रिडबाट खेलेका थिए ।
