Khabar Punja

दमाैली : तनहुँको व्यास नगरपालिका–७ बोटेटार बस्ने ६५ वर्षीय नसे बोटे ९ दिनपछि मृत अवस्थामा फेला परेका छन् । जेठ ३ गते राति ९ बजेदेखि हराएका बोटे आज मृत अवस्थामा फेला परेका हुन् ।

व्यास नगरपालिका–५ स्थित फोक्सिङ सामुदायिक वनको खोल्सीमा बोटेको शव फेला परेको गण्डकी प्रदेश प्रहरी कार्यालय पोखराका प्रहरी उपरिक्षक विनोद सिलवालले जानकारी दिनुभयो । परिवारले बोटे बेपत्ता भएपछि प्रहरीलाई खबर गरेका थिए । घटना सम्बन्धमा अनुसन्धान भइरहेको प्रहरीले जनाएको छ ।