निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमाैली : ठगी मुद्दामा अदालतबाट कैद सजाय तोकिएका एक प्रतिवादी १८ वर्षपछि पक्राउ परेका छन् । पक्राउ पर्नेमा व्यास नगरपालिका–११ रानीगाउँ बस्ने ४४ वर्षीय रामबहादुुर बलकोटी रहेको जिल्ला प्रहरी कार्यालय तनहुँले जनाएको छ ।
उच्च अदालत पाटनले विसं २०६० पुस ८ गते निजलाई दुई वर्ष दुई महिना कैद र रु एक लाख ७५ हजार एक सय १९ जरीवानाको फैसला गरेको थियो । उनी सोही दिनदेखि फरार रहेका थिए ।
यसैगरी जालसाजी मुद्दामा फरार रहेकी व्यास नगरपालिका–५ ठूलोटार बस्ने ५८ वर्षीय अतिमाया कुमाललाई पक्राउ परेकी छन् । तनहुँ जिल्ला अदालतबाट विसं २०७२ पुस ३० गते एक हजार ६ सय ५० जरीवाना तोकिएकी कुमाललाई पक्राउ गरिएको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । पक्राउ परेका दुवै जनालाई अदालतमा उपस्थित गराइएको प्रहरीले जनाएको छ ।
