निष्पक्ष र विश्वसनीय खबरको सँगालो 
Khabar Punja
२२ पुष २०८१, मंगलवार
दमौली :लायन्स क्लब अफ तनहुँ, लियो क्लब अफ तनहुँ र लियो क्लब अफ तनहुँ निर्मल अल्फाको संयुक्त आयोजनामा व्यास-१२ छिर्कनेस्थित अमरज्योति माध्यमिक विद्यालयमा वृक्षारोपण गरिएको छ । विद्यालय आसपासमा हरियाली बनाउने उद्धेश्यले वृक्षारोपण गरिएको लायन्स क्लब अफ तनहुँका अध्यक्ष कृष्णहरि गैह्रेले जानकारी दिए।
विद्यालय व्यवस्थापन समितिका अध्यक्ष पदमराज लोहनीले विद्यालयको भवन निर्माणदेखि विभिन्न क्षेत्रमा लायन्सको सहयोग रहेको बताए । विद्यालयमा लायन्सले गत वर्ष ८ कोठे भवन निर्माण गरिदिएको छ ।
विद्यालय प्राङ्गणमा कपुर, तेजपत्ता लगायत २० वटा बिरुवा रोपिएको लियो क्लब अफ तनहुँका उपाध्यक्ष सुदिप गफरले जानकारी दिए ।वातावरण हरियाली बनाउने उदेश्यका साथ लायन्स र लियो क्लबले वृक्षरोपण अभियान थालेको उनले बताए ।
