निष्पक्ष र विश्वसनीय खबरको सँगालो 
Khabar Punja
२७ पुष २०८१, आईतवार
एजेन्सी : युइएफए च्याम्पियन्स लिगमा फ्रान्सेली क्लब पेरिस सेन्ट जर्मेन (पीएसजी)ले इंग्लिस क्लब म्यानचेस्टर सिटीलाई पराजित गरेको छ । गएराति भएको खेलमा पीएसजीले सिटीलाई २-० गोल अन्तरले पराजित गरेको हो ।
पीएसीलाई जित दिलाउनको लागि अर्जेन्टिनी फरवार्ड लियोनेल मेस्सी र इड्रिसा गाना गुआईले समान एक-एक गोल गरे । पीएसजीले पहिलो हाफमा एकाे गाेल गरेकाे थियाे भने अर्काे गाेल दाेस्राे हाफमा थप्याे ।
खेलको आठौं मिनेटमा इड्रिसा गाना गुआईले गोल गर्दै पीएसजीलाई अग्रता दिलाएका थिए । उनले एमबाप्पेको पासमा गोल गरेका थिए ।
७४औं मिनेटमा मेस्सीले गोल गर्दै पीएसजीको अग्रता दोब्बर पारे । उनले पनि एमबाप्पेकै पासमा गोल गरेको थिए । यो पीएसजीको लागि मेस्सीको पहिलो गोल हो ।
सिटीलो गोल गर्ने अवसहरु पाए पनि गोल गर्न भने सकेन । योसँग पीएसजीले सिटीविरुद्धको हारको श्रृंखला तोडेको छ ।
यसअघि पीएसजीले सिटीसँग चार खेल खेल्दा ३ हार र एक बराबरीको नतिजा निकालेको थियो ।
यो नतिजापछि पीएसजी दुई खेलबाट ४ अंक जोडेर शीर्षस्थानमा उक्लन सफल भएको छ । पराजित सिटी ३ अंक जोडेर तेस्रो स्थानमा छ ।
