निष्पक्ष र विश्वसनीय खबरको सँगालो 
Khabar Punja
२७ पुष २०८१, आईतवार
दमाैली : एलायन्स क्लव अफ तनहुँको आयोजनामा शनिबार आयोजित सेभेन ए साइड फुटबल प्रतियोगिताको उपाधि लियो क्लव अफ तनहुँले जितेको छ । फाइनलमा रोट¥याक्ट क्लवलाई पराजित गर्दै लियोले उपाधि जितेको हो । लियोले ट्राइबेकरमार्फत् प्रतियोगिताको उपाधि जितेको हो ।
उपाधिसँगै लियो क्लवले बोका, मेडल र प्रमाणपत्र प्राप्त गरेको भने उपविजेता रोट¥याक्टले टर्की, मेडल र प्रमाणपत्र प्राप्त गरेको क्लवका अध्यक्ष सुदिप पौडेलले जानकारी दिए । प्रतियोगितामा बैङ्कर्स, टिम नेपो, एलायन्स क्लव, रोट¥याक्ट, लियो र स्वास्थ्यकर्मीको समूहको सहभागिता थियो ।
विजेतालाई खेलकुद विकास समिति तनहुँका अध्यक्ष अनिल पाण्डेले पुरस्कार वितरण गरेका थिए । यसअघि प्रतियोगिताको उद्घाटन नगरप्रमुख वैकुण्ठ न्यौपानेले गरेका थिए । क्लवका कोषाध्यक्ष अजित पन्थको संयोजकत्वमा प्रतियोगिता सम्पन्न भएको थियो ।
