निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दुलेगौँडा : शुक्लागण्डकी नगरपालिका–५ बेलचौतारास्थित जन पुस्तकालयले आयोजना गरेको सेभेन ए साइड फुटबल प्रतियोगिताको फाईनलमा डिजी लिंक दुलेगौँडा प्रवेश गरेको छ । मंगलबार भएको सेमिफाईलनमा आदर्श युवा क्लबलाई ५–१ गोल अन्तरले पराजित गर्दै डिजि लिंकले फाईलन यात्रा तय गरेको हो ।
डिजी लिंकको फाईनल भेट आयोजक जन पुस्तकालयसँग तय भएको छ । नेपाल युनाईटेड युवा क्लब भिमादलाई २–० गोल अन्तरले पराजित गर्दै जनपुस्तकालय फाईलनमा प्रवेश गरेको हो । फाईलन खेल बुधबार हुनेछ ।
जनपुस्तकालयको ४२ औं वार्षिकोत्सवको अवसरमा बेलचौतारा खेलमैदानमा जारी प्रतियोगितामा २३ समुहको सहभागि छन् । उपाधि विजेताले नगद ३३ हजार रुपैयाँ पाउनेछ । दोस्रोले २२ हजार रुपैयाँको साथमा कप मेडल र प्रमाणपत्र प्राप्त गर्ने आयोजकले जनाएको छ ।
