निष्पक्ष र विश्वसनीय खबरको सँगालो 
Khabar Punja
१९ असार २०८२, शुक्रबार
दमाैली : नेपाली काङ्ग्रेस तनहुँका नवनिर्वाचित सभापति जितप्रकाश आलेले सबल काङ्ग्रेस निर्माणको अभियानमा सरिक हुन आग्रह गरेका छन् । मङ्गलबार प्रेस विज्ञप्ती सार्वजनिक गर्दै आलेले एकताबद्ध र सबल तनहुँ काङ्ग्रेस बनाउने अभियानमा सहभागी हुन सबैलाई अनुरोध गरेका हुन् ।
लोकतान्त्रिक पार्टीमा आवधिक निर्वाचन मार्फत् नेतृत्व चयन हुनुलाई स्वभाविक प्रक्रियाको रुपमा आत्मसात गर्नुपर्ने बुझाई रहेको भन्दै उनले भने, “यस अभियानमा उपविजेताको रुपमा रहनुभएका साथीहरुले पार्टीमा पु¥याउनुभएको योगदानलाई तनहुँ काङ्ग्रेसले आगामी दिनमा उचित मूल्याङ्कन गरी एकताबद्ध र सबल काङ्ग्रेस निर्माणको अभियान चलाउने प्रतिबद्धता गर्दछु ।”
आलेले अधिवेशन सम्पन्न गर्न सहयोग गर्ने निवर्तमान सभापति वैकुण्ठ न्यौपान लगायतका सम्पूर्ण पदाधिकारी एवं सदस्यहरु, निर्वाचन अधिकृत फणिन्द्र कोइराला लगायत मतदान केन्द्र र मतगणनामा खटिने सुरक्षाकर्मी, पत्रकार मित्र लगायत क्षेत्रीय प्रतिनिधिलाई धन्यवाद ज्ञापन गरेका छन् ।
