निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दमाैली । वरिष्ठ लोकगायक प्रेमराजा महतको बन्दिपुरैमा गीत दश लाख पटक हेरिएकाे छ । सार्वजनिक भएकाे एक हप्तामै उक्त गीतकाे भिडिओ दश लाख पटक भन्दा बढी हेरिएकाे हाे ।
लामो समयदेखि अमेरिकामा बसोबास गर्दै आएका महतको आवाजमा रहेको बन्दिपुरैमा गीतको म्युजिक भिडिओ सार्वजनिक भएको थियाे । उक्त गीत ट्रेन्डिङ एकमा समेत रहेकाे छ ।
केही समय अगाडी मात्र नेपाल आएका बेला उनले गृहजिल्ला तनहुँको बन्दिपुरमा पुगेर उक्त गीतको म्युजिक भिडिओ छायाङ्कन गरेका थिए । गीतमा चर्चित गायिका शान्तिश्री परियारले महतलाई साथ दिएकी छन्दि । म्युजिक भिडिओमा बन्दिपुरका विभिन्न पर्यटकीय ठाउँ समेटिएको छ ।
महतकै शब्द तथा सङ्गीत रहेको गीतलाई बीबी अनुरागीले एरेञ्ज गर्नुभएको हो र गायक, सङ्गीतकार एवं चलचित्र निर्देशक नारायण रायमाझीको निर्देशनमा भिडिओ निर्माण भएको हो । भिडिओमा गायक महत र रञ्जिता गुरुङको अभिनय छ ।
