निष्पक्ष र विश्वसनीय खबरको सँगालो 
Khabar Punja
४ मंसिर २०८१, बुधबार
दमौली । नेकपा एमाले तनहुँको नयॉ नेतृत्व चयनका लागि अध्यक्षमण्डल गठन गरिएको छ । अधिवेशनको दोस्रो दिन शनिबार नयॉ नेतृत्व चयनका लागि पोलिटव्युरो सदस्य एवं तनहुँ इन्चार्ज टुकराज सिग्देलको अध्यक्षतामा अध्यक्ष मण्डल गठन गरिएको हो।
अध्यक्ष मण्डलमा केन्द्रीय सदस्य सविता रसाइली, सल्लाहकार एकबहादुर राना, प्रदेश कमिटी सदस्य रामबहादुर गुरुङ, दधिराज सुवेदी, भक्त रसाइली सदस्य छन् ।
बन्दसत्रको कार्यक्रम व्यास-३ स्थित खुल्ला मैदानमा सुरु भएको छ। बन्दसत्रमा राजनीतिक तथा आर्थिक प्रतिवेदन प्रस्तुत गर्न सुरु गरिएको छ। प्रतिवेदन प्रस्तुतपछि टिप्पणी गर्न प्रतिनिधिलाई समय दिइनेछ । त्यसपछि निर्वाचन प्रकृया सुरु गरिनेछ ।
