निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले तलब बापतको ५० हजार भानु नगरपालिका-९ स्थित कालिका उच्च माविलाई सहयोग गरेका छन् । विद्यालयको शैक्षिक सुधारका लागि मन्त्री श्रेष्ठले उक्त रकम सहयोग गरेका हुन् ।
उक्त रकम मंगलबार व्यवस्थापन समितिका अध्यक्ष दुर्गाबहादु राउतलाई हस्तान्तरण गरिएको मन्त्री श्रेष्ठका स्वकीय सचिव जगतबहादुर खड्काले जानकारी दिए ।
श्रेष्ठले आफूले पाउने तलब बापतको रकम जिल्लाका सङ्घसंस्थालाई उपलब्ध गराउँदै आएका छन् । तनहुँ क्षेत्र नम्बर १ बाट प्रतिनिधि सभा सदस्यमा उम्मेदवार बन्दादेखि नै श्रेष्ठले तलब नलिने घोषणा गरेका थिए । त्यसयता श्रेष्ठले तलब बापतको रकम विभिन्न विद्यालय, खानेपानी, बिरामी लगायतलाई सहयोग गरेको खड्काले बताए ।
सर्वाधिकार सुरक्षित नोट ः यस खबरपुञ्ज डटकममा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । प्रेषित समाचार अन्य सञ्चारमाध्यमले जस्ताको तस्तै साभार गरेको पाइएकाले स्रोत नखुलाई त्यसो नगर्न हुन अनुरोध गर्दछौं ।
