निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
म्याग्दे । म्याग्दे गाउँपालिका–४ स्थित थर्पु नेवा ः खलको आयोजनामा नेवार समुदायको सस्स्कार अनुसार वैदिक विधिपूर्वक कन्याहरुको लागि सामूहिक बेल विवाह (ईहि यज्ञ) शनिबारदेखि सूरु भएको छ । कार्यक्रममा म्याग्दे दया ः दबु का अध्यक्ष ज्योतिकुमार श्रेष्ठले नेवारी संस्कृति र सम्पदालाई जोगाउन नेवार समुदाय अग्रसर हुनुपर्ने बताए ।
कार्यक्रममा म्याग्दे गाउँपालिका–४ का वडा सदस्य दिपक श्रेष्ठले रजश्वला हुनुपूर्व नेवार कन्याहरुका लागि सामूहिक बेलविवाह विश्वमै नमूनाका रुपमा स्थापित संस्कारमध्ये एक रहेको बताए ।
खलका अध्यक्ष रामकुमार मल्लको अध्यक्षतामा सम्पन्न कार्यक्रमा निवर्तमान अध्यक्ष भिमलाल श्रेष्ठ, मिशा पुचका अध्यक्ष पशुपति मल्ल लगायतले मन्तव्य राखेका थिए । कार्यक्रममा वडा सदस्य श्रेष्ठलाई सम्मान गरिएको थियो ।
इहि यज्ञमा पहिलो दिन ३० कन्याको सहभागिता रहेको थियो । कार्यक्रम माघ २४ गतेसम्म सञ्चालन हुने अध्यक्ष मल्लले जानकारी दिए ।
