निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । सञ्चारिका समूह नेपालकी केन्द्रीय सदस्य बसन्ती बास्तोलाले युवा पत्रकारिता पुरस्कार प्राप्त गरेकी छन् । युवा तथा खेलकुद मन्त्रालयले बास्तोलालाई युवा पत्रकारिता पुरस्कारबाट पुरस्कृत गर्न लागेको हो ।
मन्त्रालयले पुस १४ गते प्रथम पटक प्रकाशित तथा म्याद थप समेत गरी माघ ११ गतेसम्म तोकिएको समयभित्र युवा पत्रकारिता पुरस्कारका लागि दर्ता हुन आव्हान गरेको थियो । दर्ता भएकामध्ये युवा पत्रकारिता पुरस्कार कार्यविधि, २०७५ अनुसार मूल्याङ्कन गरी बास्तोलालाई पुरस्कृत गर्न लागिएको मन्त्रालयले जनाएको छ ।
उनी यसअघि पनि विभिन्न पत्रकारिता पुरस्कारबाट पुरस्कृत भइसकेकी छन्।
