निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
दमाैली । व्यास नगरपालिकाको आयोजनामा बिहीबार सुरु भएको मेयर कप छात्रछात्रा फुटबल प्रतियोगिता अन्तर्गत तीन खेल सञ्चालन भएका छन् ।
उद्घाटनको दिन भएको खेलमा सत्यवती माध्यमिक विद्यालय, वाराही आवासीय माध्यमिक विद्यालय र महेन्द्रज्योति माध्यमिक विद्यालय विजयी भएका छन् ।
सत्यवती माध्यमिक विद्यालय र पराशर कलेजबीच भएको खेलमा सत्यवती ६–१ ले विजयी भएको व्यवस्थापक विद्यालय निर्मल माध्यमिक विद्यालयका प्रधानाध्यापक गणेशचन्द्र बस्नेतले जानकारी दिए ।
वाराही आवासीय माध्यमिक विद्यालय र शिव पञ्चायन माध्यमिक विद्यालयबीच भएको दोस्रो खेलमा वाराही ३–१ र महेन्द्रज्योति र क्यामिन माध्यमिक विद्यालयबीच भएको तेस्रो खेलमा महेन्द्रज्योति १–० ले विजयी भएको छ ।
