निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । नेपाली नयॉ वर्षको अवसरमा दमौलीमा साङ्गितिक सॉझ (कन्सर्ट) हुने भएको छ । होटल व्यवसायी सङ्घ तनहुँले नयॉ वर्षको अवसरमा साङ्गितिक सॉझ गर्न लागेको हो ।
२०७८ साललाई विदाई गर्दै २०७९ साललाई स्वागत गर्न कार्यक्रम आयोजना गरिएको सङ्घका अध्यक्ष दुर्गाविलास भट्टराईले जानकारी दिए ।
कोभिडले थला परेको होटल व्यवसायको प्रबर्धनका लागि कार्यक्रम गर्न लागिएको मङ्गलबार आयोजित पत्रकार सम्मेलनमा भट्टराईले बताए । सङ्घले २०७६ साललाई विदाई गर्दै २०७७ साललाई स्वागत गर्न कार्यक्रम गरेपनि त्यसपछि कोभिडका कारण कार्यक्रम गर्न नसकिएको भट्टराईले बताए ।
‘अनुभव विनापनि पहिलो पटक कार्यक्रम गरेका थियौ, अहिले केही अनुभव हासिल भएको छ,’ उनले भने । नयॉ वर्षका अवसरमा युवायुवतीलाई दमौलीमा नै मनोरञ्जन दिन कार्यक्रम गर्न लागिएको बताउँदै उनले भने, ‘नयॉ वर्ष मनाउन पोखरा, सौराहा, बन्दीपुर जाने चलन छ, यही मनोरञ्जन दिने उद्धेश्य राखेका हौ ।’
कार्यक्रममा करिब पॉच हजार दर्शक रहने अनुमान गरिएको छ। महोत्सवबाट बचेको रकम सामाजिक काममा खर्च गरिने बताइएको छ।
कार्यक्रमका लागि ३०० र ३५० को टिकट तोकिएको छ। कार्यक्रममा चर्चित व्याण्ड ‘कववेव’ को प्रस्तुती रहनेछ ।
