निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमौली । व्यास-५ पाटनमा सञ्चालित प्रथम पाटन कप सेभेन ए साइड फूटबल प्रतियोगिताको उपाधि काहुँ मिलनले जितेको छ। पाटन युवा क्लवको आयोजनामा मंगलबार सम्पन्न फाइनल खेलमा दोभान युवा क्लवलाई पराजित गर्दै कॉहु मिलनले उपाधि जितेको हो ।
कॉहुँ मिलन १-० गोल अन्तरले विजयी भएको क्लवका अध्यक्ष अमर थापा मगरले जानकारी दिए । उपाधिसँगै काहुँ मिलनले ५० हजार र उपविजेता दोभानले २५ हजार नगद र ट्रफी प्राप्त गरेको छ ।
विजेतालाई व्यास-५ का वडाध्यक्ष एवं नगरपालिकाका प्रवक्ता मोहनकुमा श्रेष्ठले पुरस्कार वितरण गरे ।
चैत १८ देखि सुरु प्रतियोगितामा २६ टिमको सहभागिता थियो । अन्तिम दिन आयोजक क्लव र भादगाउँका महिला खेलाडीबीच मैत्रीपूर्ण खेल सञ्चालन गरिएको थियो ।
