निष्पक्ष र विश्वसनीय खबरको सँगालो 
Khabar Punja
१९ माघ २०८१, आईतवार
दमौली । व्यास नगरपालिकामा नेकपा एकीकृत समाजवादीका तर्फबाट मेयरका उम्मेदवार शंकरनारायण श्रेष्ठले उम्मेदवारी फिर्ता लिएका छन् । नेकपा एकीकृत समाजवादीका जिल्ला अध्यक्ष समेत रहेका श्रेष्ठले शुक्रबार उम्मेदवारी फिर्ता लिएका हुन् ।
यसैगरी स्वतन्त्र रुपमा मेयरमा उम्मेदवारी दिएका वृषराज श्रेष्ठले पनि उम्मेदवारी फिर्ता लिएका छन् ।
व्यास नगरपालिकामा १८ जनाले उम्मेदवारी फिर्ता लिएको सहायक निर्वाचन अधिकृत कृष्ण गौतमले जानकारी दिए ।
स्रोतका अनुसार व्यासमा नेकपा एस र नेकपा माओवादी केन्द्रबीच गठबन्धन बनेको छ । तर व्यासमा माओवादी केन्द्रका तर्फबाट उपमेयरको उम्मेदवारी फिर्ता भएको छैन ।
नेकपा एसले व्यास-२ का वडाध्यक्षमा राजकुमार श्रेष्ठलाई समर्थन गर्ने बताएको छ। नेकपा एसका वडाध्यक्षका उम्मेदवार प्रेमकुमार श्रेष्ठले उम्मेदवारी फिर्ता गरेका छन् ।
