निष्पक्ष र विश्वसनीय खबरको सँगालो 
Khabar Punja
२३ कार्तिक २०८१, शनिबार
बन्दीपुर । बन्दीपुर गाउँपालिका–१ को वडाध्यक्षमा नेकपा एमालेका शिवकुमार श्रेष्ठ विजयी भएका छन् । नौ सय नौ मत प्राप्त गरी श्रेष्ठ अध्यक्षमा विजयी भएका हुन् । एमालेले अध्यक्ष र दुई वडा सदस्य समेत जितेको छ ।
प्रतिस्पर्धी नेकपा माओवादी केन्द्रका भानुभक्त पोख्रेलले छ सय ८१ मत प्राप्त गरे । नेपाली काङ्ग्रेसका इमनाथ खनालले छ सय ७६ मत प्राप्त गरे ।
महिला वडा सदस्यमा नेकपा एमालेका रोशन बराकोटी सात सय ९४, खुल्ला सदस्यमा एमालेकै डिलबहादुर रानाले सात सय २३ मत प्राप्त गरी विजयी भएका छन् ।
दलित महिला सदस्यमा नेकपा माओवादी केन्द्रका कोशिला परियार विकले सात सय ५४ र खुल्ला सदस्यमा माओवादीकै प्रेमबहादुर शाहीले सात सय ४६ मत प्राप्त गरी विजयी भएका छन् ।
२०७४ काे निर्वाचनमा याे वडामा माओवादीले जित हासिल गरेकाे थियाे ।
