निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमाैली । जिल्ला समन्वय समिति तनहुँको निर्वाचनका लागि नेपाली काङ्ग्रेस र नेकपा (माओवादी) केन्द्रबीच सहकार्य गर्ने सहमति भएको छ । दुवै पार्टीका नेताहरुबीच शनिबार भएको बैठकमा असार १३ गते हुने निर्वाचनका लागि सहकार्य गर्ने सहमति भएको हो ।
जिसस निर्वाचन प्रक्रिया अन्तर्गत भोलि आइतबार मनोनयन दर्ता गर्ने कार्यक्रम रहेको छ । नेपाली काङ्ग्रेसले प्रमुख र नेकपा (माओवादी) केन्द्रले उपप्रमुख पद लिने सहमति भएको नेपाली काङ्ग्रेस तनहुँका सचिव लक्ष्मीभक्त खनालले जानकारी दिए।
काङ्ग्रेसका तर्फबाट प्रमुखको उम्मेदवार भने टुङ्गो लाग्न बाँकी रहेको छ । आइतबार बिहान १० देखि १२ बजेसम्म मनोनयन दर्ताको कार्यतालिका रहेको छ । “भोलि बिहान ८ बजे पार्टीको संसदीय बोर्डको बैठक बसेर उम्मेदवार टुङ्गो लगाउँछौ,” खनालले भने ।
जिसस निर्वाचनका लागि नेपाली काङ्ग्रेससँग दश र नेकपा (माओवादी) केन्द्रसँग चार मत छ । त्यस्तै नेकपा (एमाले) को छ मत रहेको छ ।
