निष्पक्ष र विश्वसनीय खबरको सँगालो 
Khabar Punja
२६ पुष २०८१, शनिबार
दमाैली । तनहुँको घिरिङ गाउँपालिका–५ मोचाबारीमा भरुवा बन्दुक सहित एक जना पक्राउ परेका छन् । पक्राउ पर्नेमा ४० वर्षीय मानबहादुर थापा रहेको जिल्ला प्रहरी कार्यालय तनहुँले जनाएको छ ।
प्रहरी चौकी घिरिङ र इलाका प्रहरी कार्यालय बेलचौताराबाट खटिएको प्रहरीले उनलाई भरुवा बन्दुक लिएर हिँडिरहेको अवस्थामा पक्राउ परेको हो । प्रहरीले निजको साथबाट एक सय ग्राम बारुद, २५ थान छर्रा बरामद भएको जिल्ला प्रहरी कार्यालय तनहुँका प्रहरी निरीक्षक नरहरि अधिकारीले जानकारी दिए।
पक्राउ परेका विरुद्ध साेमबार तनहुँ अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ ।
